Blog de Recetas: As pequenas viaxes (e algo de gastronomía)
Web Autor: https://oliveiravarela.blogspot.com/Ver receta original: aquí.
Receta de Bacallau ó forno e patacas revolconas
Veña, que sei que vos gusta. Imos con outra receita de bacallau que acompañaremos de unhas ricas patacas.
- lombos de bacallau
- patacas
- 2 dentes de allo
- 100 grs de touciño
- Pementón
- Aceite de oliva
- Sal
Esta é unha destas receitas moi fáciles e que nos vai a ser moi cómoda de facer.
Gústame o bacallau pola súa versatilidade en mil e unha preparacións. Neste caso cun golpiño de forno ímolo a ter listo.
- Pelamos as patacas, cascamos en anacos e as poñemos a cocer en auga con sal.
- Cando estean cocidas, escoamos e chafamos cun garfo para facer un puré. A min gústame que non me quede liso de todo, si o queredes así pasades as patacas polo pasapurés.
- Mentres se fan as patacas, pelamos e laminamos os dentes de allo. Tamén cortamos o touciño en pequenas tiras.
- Poñemos aceite nunha tixola e douramos os allos, cando vemos que comenzan a tomar cor retiramos e reservamos. No mesmo aceite fritimos as tiras de touciño, que reservamos cos allos.
- Poñemos o forno a prequecer a 190º.
- Retiramos a tixola do aceite e engadimos o pementón. Remexemos rápido para que non se queime. Botamos nun bol e deixamos que os restos de pementón vaian para o fondo.
- Poñemos os lombos de bacallau (sen espiñas) nunha bandexa de forno. Regamos cun pouco de aceite de pementón e deixamos no forno sobre uns 8/10 minutos. O tempo vai a depender da cantidade que metades. Xa ides vendo que as lascas se empezan a separar.
- Engadimos o aceite de pementón sobrante ó puré de patacas e integramos ben.
- Poñemos un fondo de puré de patacas, por riba o lombo de bacallau e decoramos co allo e o touciño reservado.
Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo: olivarela@hotmail.es
No Facebock: http://www.facebook.com/boproveito
