Blog de Recetas: As pequenas viaxes (e algo de gastronomía)
Web Autor: https://oliveiravarela.blogspot.com/Ver receta original: aquí.
Receta de Luras fritas con puré de aguacate
Imos a combinar as luras cun puré que non entra no noso concepto desta fritura.
- 500 grs de luras
- 1/2 aguacate
- 1 lima
- Guindilla
- Fariña
- Aceite
- Sal
Esta combinación é de esas que fai Jamie Oliver, no seu programa Rápido e fácil con cinco ingredientes. Ten os seus detractores, pero a min gústame o que fai.
Temos que estar abertos e esta receita é unha maneira distinta de presentar as nosas clásicas luras fritas.
- Limpamos e lavamos ben as luras. Secamos moi ben, cortamos en aneis e salgamos.
- Poñemos a fariña nun bol e pasamos os aneis das luras por ela. Enfariñamos ben, facendo que a fariña chegue a todas partes.
- Pelamos o aguacate e chafamos cun garfo. Relamos por riba, do puré, a pel da lima, salgamos e engadimos o zume da lima. Mesturamos ben.
- Nunha tixola con aceite de oliva quente, fritimos as luras, sen sacudir o exceso de fariña. Deixamos que se fagan ata que collan esa bonita cor dourada.
- Estendemos o puré polo prato de servizo, poñemos por riba as luras fritas e engadimos aros de guindilla.
Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo: olivarela@hotmail.es
No Facebock: http://www.facebook.com/boproveito
